المكوّنات
3 حبات بطاطا
50 غ لحم مفروم
جبن طري
زيتون اخضر
معدنوس
ديول (خطفة)
بيض(حسب الكمية لراح تخدمي)
الخطوات
نقطع البطاطا الى مكعبات و نضيفلها قليل من الملح و نحطها في كسرونة فيها الماء و نحطها تغلي ، بعد ما تغلي و طيب نفرغها في صحن و نضيفلها فلفل اسود و ملعقة صغيرة زبدة و نهرسها بواسطة الشوكة
نجيب الديول و نحط فوقهم كمية من البطاطا و نسويها على شكل مربع و نعمل فيها حفرة فالوسط ثم نضيفلها لحم مفروم (بعد ما نكون قليتو فالقليل من زيت و ثوم و فلفل اسود و ملح) و زيتون اخضر و جبن و رشة معدنوس (حشو اختياري) و فالوسط نحط حبة بيض و نرش عليها ملح و فلفل اسود
و نقفل عليها و في مقلة نحط القليل من الزيت يسخن و نحط البوراكة تتقلى على نار متوسطة حتى تتحمر و نقلبها على الجهة التانية ثم نحطها فوق ورق ماص تتخلص من الزيت الزائد ثم نقدمها
تعليقات: 0
إرسال تعليق