طريقة تحضير كيكة الحب ❤

المكونات

4 حبات بيض

كاس سكر

م ص اڤانى

½ كاس زيت

كاس حليب +م ص شيكولاطة غبرة

كيس خميرة الحلويات

2 كيسان فرينة

م ص كاكاو

الكريمة

كاس حليب بارد جدااا

كاس بودرة الشنتي

م ك كاكاو

ڤلاصاج مغواغ

فنجان حليب

فنجان زيت

فنجان سكر

فنجان كاكاو

155 غ شيكولاطة دائبة

و فنجان حليب يكون سخوووون جدااا

سيرو الى نشرب به الكيكة

فنجان قهوة

فنجان ماء

3 مغرف سكر

الخطوات

نطلع البيض و السكر و آڤانى جيدااااااا حتى يبياض الخليط و يتضاعف و نجيب الزيت و نبدا نضيف و خلاط راهو يدور متل منطلعو مايوناز نزيد نجيب كاس حليب نحط فى غبرة بالشيكولا و نخلطو مليح و نضيفو الخليط و نبقى نخلط

نجيب كاس اول تاع الفرينة نحط فيه كيس تاع الخميرة و نضيفو للخليط و نخلط من فوق للتحت حتى ميهبطش الخليط و نزيد الكاس الثانى و نخلط

نجيب القوالب انا خيرة قلوب كبير متوسط و صغير و نتى خيرى كيما تحبى انا خيرة القوالب الى معندهمش قاعدة من تحت نحط ورق الطهى و نفرغ الخليط نقصمو على تلاتة كيما موضح فى الصورة و متخافيش لا خرجلك هكا شويا على الجوانب راكى مع تحطيه فى الفرن يحبس و ادا كنت اول مرة خلى القاعدة بالاليمينيوم و حطى و رق الطهى نحطها طيب على درجة الحرارة ١٦٠د


و كى طيب متخرجيهاش من الفرن طفى و خليها حتى تبرد تماما و خرجيها هكا باه تبقى محافظة على شكلها و نحطها فى الثلاجة تبرد

نطلع كاس الحليب بارد مع كاس شنتي و م ك كاكاو حتى تولى كريمة متماسكة نجيب الكيكة نبدا نشرب فيها فى السيرو و منبعد نحط الكريمة نبقى بهد الطريقة حتى نخلص جميع الطبقات و نزيد نغلها ب الكريمة و نحطها فى الثلاجة تتماسك

نجيب فنجان الزيت و والكاكاو و السكر و الحليب و نطلعهم بالبرا ميكسار ونكون دوبت ١٠٠غ تاع الشيكولا نزيد نيضو للخليط و نبقى نطلع فيه بالبرا و نجيب فنجان حليب سخون جدااا و نضيفو و نبقى نطلع فيه حتى يولى ڤلاساج لا مع و رائع و نحطها تبرد

ونزينها ب الكريمة الى بقاتلى و وزينيها حسب دوق تاعك و حطى فيها لمساتك

وهذا بعد محتفلنا و قطعتها وشهية طيبة